زنگوله کلام سیز ملودیک سسدیر کی، خواننده سوزون ایفاده سیندن اونجه یا سونرا موغام جومله سینی بوتوولشدیرمک اوچون فرقلی شکیللرده ایستیفاده ائدیر. هر بیر خوشبخت خواننده نین بوغازیندا اولان زنگوله اونون خواننده لیک صنعتینده بیر گوجلو واسیطه کیمی خواننده نین اساس ایفا منبعی ساییلیر. و هر خواننده ائوز سسی و سسینین رنگینه ( تمبئر ) اویغون بو گوزه ل منبعدن فایدالاناراق ائوز ایفاسیندا بدیعی ذوق یارادیر.

زنگوله لرین قورولوشوآذربایجان موغاملاریندا 4 یئره بولونور :
ایکیلی زنگوله، اوچلو زنگوله، ایکیلی – اوچلو و اوچلو – ایکیلی

آذربایجان موغاملاریندا زنگوله لرین نووعو:
دوز زنگوله :بو نوع زنگوله بوغازین ائشییه دوغرو ساییت سسی حرکت ائتدیرمه سیندن یارانیر و خواننده سسه گوج وئره رک هر بیر ساییت سسی، H سامیت ( سس سیز ) حرفی واسیطه سی ایله ایفا ائدیر.
ترسه زنگوله :بو نوع زنگوله بوغازین ایچه رییه دوغرو ساییت سسی حرکت ائتدیرمه سیندن عمله گلیر و خواننده سانکی نفسینی اودماق ایسته دییی حالدا زنگوله وورور.
آلت اوست زنگوله: بو نوع زنگوله بیر سسین یوخاریسندا اولان سس و یاخود آشاغیسیندا اولان سسین واسیطه سی ایله ایفا اولونور. آچیق سسلر بو نوع زنگوله ایله سیخ علاقه ده دیر. بو زنگوله لر بعضی خواننده لر او جومله دن سخاوت ممداوون ایفاسیندا چوخ گوزه دییر.
غونـنه :خصوصی زنگوله لره دئییلیر کی، بورون واسیطه سی ایله موغامین خاراکترینه اویغون خواننده طره فیندن ایستیفاده اولونور. میثال اوچون İ – I – U ساییت حرفلر غوننه ده ایفا اولونان زنگوله لرین اساسینی تشکیل ائدیر.
آکسنتلی زنگوله: پاووزالی ( سکوت ) زنگوله لره دئییلیر یعنی زنگوله نین هر ایفاده سینین آراسیندا خواننده طره فیندن پاووزا یارانیر.
ضربی زنگوله: بو نوع زنگوله ریتم و ضربین اساسیندا ایشلنن زنگوله دیر کی، خواننده ملودیا و اوخودوغو موغامین جومله سینه اویغون اوندان ایستیفاده ائدیر. بو نوع زنگوله لر آشیق موسیقیسینده داها چوخ ایستیفاده اولونور آنجاق خواننده لیک صنعتینده ده ضربی موغاملار و بعضی ریتمیک گوشلرده بئلنچی زنگوله لردن ایستیفاده اولونور.
قایناتما زنگوله: بعضی موغاملاردا خصوصی بیر خاراکتر و شخصیت یاراتماق اوچون خواننده آغیز بوشلوقوندان ایستیفاده ائده رک سسلری آغیزین ایچینده دولاندیراراق اوخوماقینا فرقلی بیر رنگ قاتیب و بو نوعدن ایستیفاده ائدیر. بو طرز ایفایا آذربایجان خواننده لیک مکتبینده بعضی خواننده لرین او جومله دن مطللیم مطللیم او، زولفو آدی گوزه ل او، حاجی بابا حسین او، راضی شوکوراو، طلعت قاسیم او و باشقالارینین ایفالاریندا راست گلمک اولور.
خیردالیق یا ملیزیم: هر کلمه و جومله نین آخیریندا بزه ک خاراکترلی، موغام و اونون خاراکتر و ملودیاسینا اویغون ایشلنن جومله باغلاییجیی واسیطه سیدیر. خواننده شیرینلیک یاراتماق اوچون ایستیفاده ائدیر.
آذربایجان گراماتیکاسیندا اولان 9 ساییت ( سسلی ) حرف ( A-Ə-E-O-U-Ö-Ü-İ-I) وار کی، خواننده اونلاردان یارارلاناراق زنگوله سینی تنظیمله ییر بئله کی، هر بیر ساییت سسین دوزلمه سینده H حرفی اوسته گل ساییت سسلرین بیری زنگوله نی دوزه لدیر. موغام جومله لرینین اوللی و آخیریندا ایشله نن ایفاده واسیطه لری او جومله دن آی آمان، ای داد ای داد، یار آمان، هل دله دله دل، آی داد آی داد، آمان آی دادی بیداد و…کی هر خواننده ائوز سسی و سلیقه سینه گوره اونلاردان ایستیفاده ائدیر، زنگوله نین اساس ایفا اونان یئرلریدیر.

زنگوله آذربایجان موغامیندا 7 یئره بولونور :
ایکیلی ساکین زنگوله
ایکیلی یوخاریا دوغرو زنگوله
ایکیلی آشاغییا دوغرو زنگوله
2+3 یوخاریا دوغرو زنگوله
2+3 آشاغییا دوغرو زنگوله
3+2 یوخاریا دوغرو زنگوله
3+2 آشاغییا دوغرو زنگوله